Nan jou samdi 27 oktòb la, lavèy jounen
entènasyonal lang kreyòl la, nou te profite fon rankont okazyonèl kote jèn yo
te jwon match degzibisyon an kreyòl, chante ak deklame kèk pwezi kreyòl.
Match deba sa a te jwe pou 2
rezon : verifye si nou manb yo konprann sa n te wè ak yo aprè 6 bèl seyans
fòmasyon epi fete kreyòl la kòm lang matènèl nou. Se sak fè n te chwazon sijè
ki byen apropriye a : Ansèyman an ta
dwe fèt an kreyòl nan peyi a.
Mon rezime match la :
Ekip afimativ la te gen ladanl :
Cadet Nephtalie, Joseph sandy ak Michel Jean Barth. Ekip negativ la te gen
limenm : Laraque Edwin, Lovekendy Jourdan ak Phiney Marthe Erlie.
Pou ekip afimativ la, Ansèyman
an, ta dwe fèt an kreyòl nan peyi Dayiti paske se lang matènèl nou, Ayisyen. Lè yon elèv ap aprann nan lang
matènèl li, li konprann pi byen epi aprantisaj la fèt pi byen tou. Nan rapò asanble
palmantè kit e fèt 7 fevriye 2006, M. Jacques Legendre di :
« Beaucoup de langues différentes sont parlées en Europe et sont les
langues maternelles des citoyens européens. Certaines sont des langues
officielles, d'autres des langues régionales ou minoritaires et d'autres ne
sont liées à aucun territoire particulier ou sont des langues de l'immigration.
D'un point de vue pédagogique les résultats sont meilleurs quand des enfants
sont enseignés dans leur langue maternelle ». Li kontinye poul
di : « Chaque citoyen européen
devrait pouvoir étudier sa langue maternelle ». Kidonk,
ansèyman an kreyòl prale anfavè timoun epi anfavè peyi tou.
Ekip
negativ la fè konprann rezilta yo meyè lè
ansèyman an fèt nan lang matènèl aprenan an, men sa pa vle di li paka fèt ditou.
Li ajoute pou l di se lang aprantisaj la pou yo
byen aprann aprenan an pou l ka byen konprann. Se pa yon kesyon de lang
matènèl. Li tavanse 2 agiman :
1)
Nou pa gen manyèl eskolè ki ekri an kreyòl : Son konsta tout moun fè, aprè liv kou kreyòl yo,
tout liv yo itilize nan lekòl se liv fransè. Kidonk nou poko prè pou nou fè
lekòl an kreyòl.
2)
Ansèyman an fransè a fè yo diferansye nou ak lòt moun kip
a lekòl la yo: lè ansèyman an
fèt an fransè, elèv la ap ka pale fransè. Lè sa a, yap kapab diferansye
fasilman de moun ki pa ale lekòl yo.
Avanl te rekonswi, 2e afimatif la te di : « Zanmi konpetitè
a, negatif 1 sot di nan eksplikasyonl, nou poko prè. Si l di nou poko prè pou
fè ansèyman an non lòt lang, sa vle di li posib. Epi, jan koekipye m lan sot di
an, li sifi nou pran tan n aprann timoun lan lang kòrèkteman. Fason l fòmile 2e
agiman an diskriminatwa anpil. Poukisa m bezwen pale fransè pou diferansye de
lòt, pou montre m siperyèl ? Poutan nap viv yon moman kote nap fè
promosyon valè youn nan prensip dwazimen ki se nondiskriminasyon.
Men sak te fè lesansyèl nan match ekzibisyon 27 oktòb
la. Aprè, nou gen jèn kit e deklame pwezi kreyòl, entèprete chan kreyòl tankou:
“Choukoun” de Oswald Durand, “Si lakansyèl te gen vwa” de Lumane Casimir…
Samdi kap 10 oktòb la, nap fè premye
tounwa deba nou pou ane sa a sou DKP a. Nou pral mobilize tout jij ki te suiv
fòmasyon abritraj match deba Kòdonatè Anis lan : Mathurin Denel, Neptune
Adrien, Sylvain Antonin…
Men tout enfòmasyon nou ka bay sou
Club Débat Jérémie (CDJ) an.
Waldinde
GERMAIN
Animateur
du club de Jérémie
Aucun commentaire:
Enregistrer un commentaire