Klèb Jakmèl la oganize samdi
4 ak dimanch 5 jiyè 2015 yon tounwa deba, premye vrè tounwa li depi 3 zan, pou
boukle lane akademik la epi pou pou fè dènye preparasyon debatè l yo anvan
patisipasyon yo nan tounwa nasyonal la kap fèt nan vil Jeremi, 15 ak 17 jiyè
2015.
13 jèn debatè avek 7 jij
patisipe nan tounwa sa ki fèt Cayes-Jakmel, nan otèl Lamitye. Premye tou a fèt
nan jou samdi 4 jiyè a, kote 6 match an franse rive reyalize an 3 faz, swa 2
match toujou dewoule anmenm tan, 3 jjj abitre chak match. Prensip premye tou a,
se pou tout debatè san eksepsyon rive fè fas a fas nan konpetisyon an. Deba sa yo
reyalize sou sijè tounwa nasyonal la, ki se : « Laj pou moun vote ta dwe ogmante a 21 an nan peyi Dayiti. »
4 ekip toke kòn
yo
Dezyèm jou a, avan menm 2 ekip finalis ki soti nan premye
tou yo rive toke kòn yo, tout jèn patisipan yo mete tèt yo ansanm pou debat sou
yon sijè sipriz an kreyòl. Enonse ki
chwazi pou match sila pati konsa : « Ayisyen
ki nan dyaspora yo ta dwe kapab vote nan eleksyon an Ayiti ».
Tou dabò, men kijan
tablo reyalizasyon match yo nan premye tou a prezante konsa:
faz 1: ekip 1 kont ekip 2 / ekip 3 kont ekip 4
faz 2: ekip 1 kont ekip 3 / ekip 2 kont ekip 4
faz 3: ekip 1 kont ekip 4 / ekip 2 kont ekip 3
Apre chak match, pwen 3
jij ki tap abitre l yo note pou chak debatè vin adisyone ansanm. Apre premye
tou sa a fini, pwen chak debatè resevwa nan chak match vin adisyonen ansanm
tou, pou rive bay kantite pwen li fè o total pou premye tou a.
2 ekip ki ranpote premye tou a, se ekip 3 avek ekip 4 la,
ki ta pral toke kòn yo nan final la nan dezyèm tou.
Yon dezyèm tou
plen ak sipriz
Nan dezyèm jou a, li te parèt difisil pou rive reyalize
yon match sou yon sijè sipriz an kreyòl la kote tout moun t'ap kapab debat daprè
menm prensip ki te aplike lavèy. 2 debatè ak yon jij ki te patisipe nan premye
tou a pat reponn prezan. Sa te blije 2 animatè klèb Jakmèl la yo, Bettina
Perono avèk Reginal Raymond Fils, mete tèt ansanm avèk 5 lot jij pou yo
reyalize yon reyinyon ijans, epi jwenn yon solisyon ki ka pemèt tou 11 jèn ki
te prezan yo patisipe nan deba sou sijè sipriz la. 15 minit konsiltasyon sa yo
te abouti sou yon solisyon ki prezante konsa :
1) Non chak debatè
ekri sou yon ti bout papye pou tiraj osò, tiraj sa pèmèt kreye 2 ekip, yo chak gen
5 moun ladan l.
2) Yon 2e
tiraj osò ki fèt ak yon pyès 5 goud, avek 2 reprezantan ekip yo, pèmet yo detèmine
ki ekip 11e moun nan pral apiye.
3) Yon 3e
tiraj osò toujou ak pyès 5 gou la epi 2 lòt reprezantan ekip yo, deside kiyès
ladan yo kap defann ki pozisyon.
Ekip yo te gen anviwon 1 èd tan pou prepare match sila a.
Epi tou, avan konpetisyon agimantè yo koumanse, chak ekip kominike ki debatè li
chwazi nan tèt kole, pou reprezante li nan arèn nan.
Toujou nan kad tèm ki chwazi nan nivo nasyonal la ki se :
La démocratie à l'épreuve du vote,
sijè sipriz la pati konsa : « Ayisyen
ki nan dyaspora yo ta dwe kapab vote nan eleksyon an Ayiti. »
Daprè rezilta tiraj osò a, se ekip B ki tap defann
pozisyon enonse a (A), otomatikman ekip C te sipoze defann pozisyon kontrè a
(N). Men reprezantan ekip yo pou match sila :
Ekip B : (1A) Claudia
Petit-Jean / (2A) Patrick K. Jerome
/ (3A) Moise Jean-Louis
Ekip C : (1N) Mardoché
D. Cothias / (2N) Lovelie Jules /
(3N) Ralph R. Joseph
Menm si se sèlman 3 moun ki reprezante chak ekip nan
konfwontasyon lide yo, tout manm ekip yo patisipe nan preparasyon ak dewoulman
deba sa, ke se swa nan elaborasyon agiman yo, ke se swa nan prepare faz
kesyon-repons yo, ke se swa nan prepare refitasyon ak rekonstriksyon agiman yo.
Lespri dekip, veritab
gayan tounwa a lamitye a
Finalman sa ki parèt o depa yon grenn beki altenativ vin
tounen yon bèl eksperyans lespri dekip. Dapre obsèvasyon jij yo, patisipasyon
jèn yo pou travay ekip la amelyore jefò ki fèt nan strikti ak ekspoze agiman yo
nan yon fason ki otonan. Men nan faz kesyon-repons yo, tout tèt te fè youn pou
prepare kesyon yo, anpil konfwontasyon lide te anime echanj yo lè reprezantan
chak ekip te kòt a kòt devan jij yo.
Agiman chak ekip yo prezante konsa :
Ekip B : Ayisyen
nan dyaspora yo ta dwe kapab vote nan eleksyon an Ayiti
Agiman 1 : Paske se yon
mwayen ki ap pèmèt yo enplike plis nan devlopman peyi a
Ekip C : Ayisyen ki nan dyaspora yo pa ta dwe kapab
vote nan eleksyon an Ayiti
Agiman 1: Paske yo pa
konn ideyoloji politik ki andedan peyi a
Kòmantè jij yo se kle pou pwogrè debate
yo
Panel 5 jij ki abitre
match sou sijè sipriz la bay kèk konsèy a debatè yo pou ede yo repere pwen fèb
ke yo bezwen ranfòse, epi idantifye kote fòs yo ye pou kapab konsève yo.
Jij yo felisite tou 2
ekip yo pou kalite pèfòmans yo te bay nan metodoloji pou prezante agiman yo, nouvo
sipò ke yo chak pote, konparezon kontradiktwa ki fèt pou refite sipò ak agiman
yo.
Jij yo obsève tou yon
amelyorasyon nan travay twazyèm debatè nan tou 2 ekip yo, ki ta sanble
eksplwate konsèy jij yo te bay lavèy nan premye jou tounwa. Yo pat kontante yo
drese yon bilan fije. Fwa sa a, yo pran leswen mete an valè diferan pwen kle ki
detèminan pou vitwa ekip pa yo, pwen kote yo mete feblès agimantasyon advèsè a
deyò, epi bon jan prèv kore agiman yo, pou yo te ka rive reziste ak tantativ
refitasyon ekip opoze a.
Reyisi faz kesyon-repons yo, yon
boulva pou genyen deba
Ekip ki genyen match sila se ekip afimativ la, dapre tou
lè 5 jij yo. Rezon ki plis parèt nan eksplikasyon sou chwa sa a ke yo chak fè
pou kont yo, sè ke se ekip sa ki pi byen eksplwate pwen cho faz kesyon-repons
yo, pou te non sèlman refite agiman ekip opze a, men tou pou ranfòse agiman pa
yo.
Meyè debatè a se Claudia Petit Jean ki, dapre adisyon nòt
5 jij yo, rekòlte 140 pwen.
Apre deba sou sijè sipriz la, match final la fèt toujou
sou menm sijè tounwa nasyonal: « L'âge
de voter devrait être augmenté à 21 ans en Haïti. »
2 ekip finalis yo se
ekip 3 ak ekip 4 la. Men non debatè yo :
Ekip 3: (1A) Ralph R. Joseph / (2A) Dieuferly Lejustal / (3A) Querline Bernadeau
Ekip 4 : (1N) Patrick K. Jerome / (2N) Sophanie M Jules / (3N) Moise Jean-Louis
Se ekip 4 la ki ranpòte
match final la, li tap defann pozisyon kip a dakò ak enonse sijè tounwa a.
Ekip 4 la genyen match sila avèk 3 vwa kont 2, nan vòt
jij yo. Meyè debatè match final la se Ralph R Joseph, avec 136 pwen, dapre
adisyon nòt chak jij atribiye l separeman. Ralph te fè pati ekip 3, ki tap
defann pozisyon afimativ la, sa vle di ki t'ap kore enonse a.
Anpil kado tonbe sou loreya tounwa a
Chak loreya nan tounwa lokal klèb FOKAL Jakmel la te resevwa
yon rekonpans. Meyè
debatè tounwa a, Ralph R. Joseph, resevwa kòm kado yon woman ayisyen, Maudite
Education de Gary Victor. 3 lot debatè
ekip ki genyen tounwa a te resevwa yo menm 2 yon ekzanple Zoune chez sa
ninnaine, de ekriven ayisyen Justin Lherison, avèk yon ekzanplè de Stella,
yon woman de Emeri Bergeaud. Meyè debatè premye tou a avèk sijè
sipriz la tou, Claudia Petit Jean, resevwa yon ekzanplè La vengeance de la
terre », de Jean Baptiste Cineas.
Tout 11 jèn ki te patisipe nan deba yo nan dezyèm jou tounwa
a resevwa yo chak yo ekzanplè orijinal albòm mizik premye pwomosyon lekòl Audio
Institute fenk soti nan mwa jen 2015 la. Se kado pwomosyon sòtan 2013-2015
lekòl atis pwofesyonèl sidès la, e ki pote non Les Pionniers, fè klèb FOKAL Jakmèl kado pou ankouraje yo nan
pratik deba.
Jeremi, nou
pare!
Se konsa ekip Jakmel la
boukle lane 2014-2015 deba FOKAL la. 2 jounen deba, nan yon tounwa : 8 match
dapre foma Karl Popper a, 6 an franse nan premye tou, yon sjje sipriz an
kreyol, epi yon match final an franse.
Pandan yap kite otel
Lamitye a nan apremidi jou 5 jiye 2015 la, jèn jakmelyen yo pataje ansanm sa yo
ta renmen ki amelyore pou lane pwochenn. Pou yo menm se yon avan denye ekzesis
lespri dekip pou ane sa, yon enyèm leson lamitye.
Commentaires des débatteurs sur le tournoi
Je suis Querline Bernadeau. Je
m’attendais à ce que le niveau ne soit pas au rendez-vous [au tournoi local de
Jacmel]. Mais j’ai pu remarquer que tous les jeunes étaient motivés à
travailler. Leurs efforts ont donné du fil à retordre quant aux choix de ceux
qui nous représenteront au tournoi national. Chacun de nous, selon moi, pouvait
nous représenter valablement le club de Jacmel. Je suis contente des efforts
accomplis par le club, parce que nos avons pu surmonter beaucoup d’épreuves en
peu de temps.
Kimmy Kensley Cajuste. Je suis content d’avoir pu participer à ce
tournoi. Cela m’a permis de combler mes lacunes à bien réfuter, à bien
reconstruire [mes arguments].
Dieuferli Lejustal. Je suis heureux
de participer à ce club de débat. J’ai beaucoup appris au cours de ce tournoi.
Je me suis rendu compte que j’ai les capacités pour être un bon débatteur. Je
vais travailler pour que le devenir.
Moise Jean Louis. Ma performance dans
ce tournoi était plutôt bonne. Mais j’ai encore quelques améliorations à faire.
Comme orateur, j’ai beaucoup d’idées, mais j’ai des difficultés à les exprimer.
Patrick Christian Jérôme. J’aime beaucoup débattre. Je crois que c’est pour nous une opportunité
d’analyser les vrais problèmes de la société. Aujourd’hui le club de FOKAL à
Jacmel commence à reprendre vie, à se relever de sa pente descendante.
Claudia Petit Jean. L’année prochaine,
il faudrait offrir plus de loisirs aux jeunes, cela les impliqueraient davantage dans le club. On
pourrait, par exemple, organiser une activité tous les deux mois. Cela
motiverait davantage les jeunes à fréquenter le club où ils pourront mieux disposes
à apprendre, car ils pourront aussi s’amuser.
Bettina PERONO et Réginald RAYMOND-FILS
Animatè kèb
deba Jakmèl
13 Jiyè 2015
Aucun commentaire:
Enregistrer un commentaire